इटालियन सिरी ए मा इन्टर मिलानले लगातार दोस्रो जित निकालेको छ । गएराति भएको खेलमा मिलानले हेलास भेरोनालाई ३–१ ले हरायो । 

इन्टरेको जितमा योहाक्विन कोरेयाले २ गोल गरे भने लौटारो मार्टिनेजले एक गोल गरे । 

भेरोनाको मैदानमा भएको खेलको १५औं इभान इलिचको गोलबाट घरेलु टोलीले अग्रता बनाएको थियो । तर ४७ औं मिनेटमा लौटारो मार्टिनेजले बराबरी गोल फर्काए । 
खेलको ८३ औं र अतिरिक्त मियमा कोरेयाले गोल गर्दै इन्टरलाई सहज जित दिलाए । 

जितसँगै साविक विजेता इन्टर मिलान दुई खेलबाट ६ अंक जोड्दै लिगको शीर्ष स्थानमा उक्लिएको छ ।