धितोमा राखेको सुनलाई फेरेर ऋण चुक्ता गरेपछि नक्कली सुन दिन खोजेको महालक्ष्मी विकास बैंकले प्रहरीको आदेशसमेत उल्लघंन गरेको छ । बैंकका सिइओ र कुमारीपाटी शाखाका ब्रान्च म्यानेजरलाई आज प्रहरीले बोलाएको थियो ।
तर, सोमबार पनि प्रहरी कार्यालय नगएका महालक्ष्मी विकास बैंकका सिइओ र ब्रान्च म्यानेजर मंगलबार पनि प्रहरीकहाँ गएनन् । उल्टै प्रहरी कुमारीपाटी शाखा पुग्दा ब्रान्च म्यानेजर सुनिलकुमार नेपाल बैंकमा नभएको भन्दै प्रहरी फिर्ता आयो ।
अर्कोतिर, महालक्ष्मी विकास बैंकका सिइओ बोधराज देवकोटाले यस विषयमा छलफल गर्न पीडित विष्णुकुमारी महर्जनलाई बुधबार दिउँसो महालक्ष्मी विकास बैंकको केन्द्रीय कार्यालयमा बोलाएका छन् ।
‘हामीले हिजो र आज दिनभर प्रहरी कार्यालयमा उहाँहरुलाई कुर्यौँ,’ विष्णुले फरकधारलाई भनेकी छिन्, ‘तर, उहाँहरु आउनु भएन । साँझ पाँच बजेतिर कल गरेर हामीलाई भोलि बैंकको हेड अफिसमा नै बोलाउनु भएको छ ।’
विष्णुले २०७२ सालमा २५ तोला सुन राखेर महालक्ष्मी विकास बैंकबाट ऋण लिएकी थिइन् । ९ भदौमा उनी आफूले लिएको ऋण चुक्ता गर्न बैंकमा पुगेकी थिइन् ।
उनले धितोमा राखेको सुन दिन पहिले बैंक म्यानेजरले आनाकानी गरेका थिए । पछि उनले सुन नक्कली भएको बताए ।
यसबारे फरकधारले यसअघि गरेको यो स्टोरी पढ्नुहोस्—
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
