पाकिस्तानका सूचनामन्त्री फवाद चौधरीले तालिबानप्रति पाकिस्तानको प्रभाव भएको तर नियन्त्रण भने नभएको बताएका छन् ।

चौधरीले भने, ‘अफगानिस्तानमा शान्ति र सुव्यवस्था मिलाउनका लागि छिमेकी देश टर्की र पाकिस्तानले महत्वपूर्ण भूमिका निर्वाह गर्नेछन् । तालिबानप्रति पाकिस्तानको प्रभाव छ तर नियन्त्रण भने छैन ।’

‘अफगानिस्तानमा सरकार बनाउने काम त्यतैका मानिसको काम हो । तर छिमेकी देश पनि अफगानिस्तानको स्थिरतामा सहयोग गर्नेछन् । जब सोभियत संघले अफगानिस्तान छाडेको थियो तब हामीले बाँकी समस्याको समाधान गरेका थियौँ । अमेरिकन सैनिकले छाडेसँगै फेरि पाकिस्तानमा जिम्मेवारी थपिएको छ’, उनले थपे ।

चौधरीले काुबल एयरपोर्ट पुनः सुचारु गर्नका लागि पाकिस्तानले पहल गरिरहेको पनि बताएका छन् ।

पाकिस्तानमा अझै पनि ३५ लाख अफगानी शरणार्थी छन् । ती शरणार्थीले गर्दा पाकिस्तानलाई ठूलो आर्थिक बोझ भएको चौधरीले जनाए ।