नेपाल र भारतबीचको मैत्रीपूर्ण खेल आज दिउँसो दशरथ रंगशालामा हुँदैछ । यो नेपाल र भारतबीच हुन लागेको २१ औँ खेल हो ।
नेपालले यसअघिका भारतसँगका प्रतिस्पर्धामा जम्मा दुई वटा खेलमा जित हासिल गरेको छ ।
यसअघि बिहीबार दिउँसो दशरथ रंगशालामा भएको खेलमा नेपालले भारतसँग बराबरीमा खेलेको थियो । खेलको ३६ औं मिनेटमा नेपालका लागि अन्जन विष्टले गोल गरेका थिए ।
हाफ टाइमअगाडि सम्म नेपालले अग्रता कायम राखेको थियो । दोस्रो हाफको १४ औं मिनेटमा भारतका अनिरुद्र थापाले गोल गरेपछि बिहीबारको खेलमा थप गोल भएका थिएनन् ।
आजको खेलमा नेपालले राम्रो प्रदर्शन गरेर जित हासिल गरेको खण्डमा फिफा वरीयतामा नेपालको स्थान सुधार हुनेछ ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।