मिलेनियम च्यालेन्ज कर्पोरेसन (एमसिसी)की उपाध्यक्ष फतिमा सुमारले आफ्नो राजनीतिक भेटघाट सुरु गरेकी छन् । 

आज बिहान सवा ९ बजे काठमाडौं अवतरण गरेकी सुमारले पहिलो भेट एमाले अध्यक्ष केपी शर्मा ओलीसँग गरेकी छन् । ओलीलाई भेट्न सुमारसहितको प्रतिनिधि टोली केहीबेर अघिमात्र ओली निवास बालकोट पुगेका हुन् । उनीसँगै एमसिसीका नायब उपाध्यक्ष जोनाथन ब्रक्स पनि छन् ।

अध्यक्ष ओली र सुमारबीचको भेटमा नेकपा एमालेका नेताहरू विष्णु रिमाल र राजन भट्टराई पनि सहभागी भएको बताइएको छ । एमसिसी परियोजनाबारे चर्चा चलिरहेको बेलामा उनको नेपाल भ्रमणलाई अर्थपूर्ण रूपमा लिइएको छ ।

यसअघि बुधबारमात्रै एमाले संसदीय दलको बैठकमा बोल्दै ओलीले एमसिसी पारित गर्ने जिम्मा आफूहरूको नभएको बताएका थिए । ओली सरकार हुँदा एमसिसी संसदमा पेश भएको थियो ।