स्पेनिस ला लिगा अन्तर्गत आइतबार राति भएको खेलमा रियल मड्रिड विजयी भएको छ ।
उसले घरेलु टोली भ्यालेन्सियामाथि २–१ को रोमाञ्चक जित हात पारेको हो ।
सुरुवाती अग्रता जोगाउन नसक्दा घरेलु टोली पराजित हुन पुग्यो । खेलको ६६ औँ मिनेटमा ह्युगो डुरोको गोलमार्फत भ्यालेन्सियाले अग्रता लिएको थियो ।
८६ औँ मिनेटमा भिनिसियस जुनियरले रियलका लागि बराबरी गोल फर्काए । ८८औँ मिनेटमा करिम बेन्जिमाले गोल गर्दै टोलीको जित पक्का गरे ।
जितसँगै रियल मड्रिड ५ खेलबाट १३ अंकका साथ शीर्ष स्थानमा उक्लिदा समान खेलबाट १० अंक जोडेको भ्यालेन्सिया तेस्रो स्थानमा छ ।
लिग अन्तर्गत आइतबार नै भएका अन्य खेलमा रियल मार्लोकाले भिल्लारियल तथा रियल सोसिडाडले सेभियासँग गोलरहित बराबरी खेल्दा रियल बेटिस स्पान्योलसँग २–२ को बराबरीमा रोकियो ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।