इंग्लिस प्रियिमर लिग अन्तर्गत आइतबारराति भएको खेलमा चेल्सीले घरेलु टोली टोटेनहममाथि ३–० को सहज जित हात पारेको छ ।
चेल्सीको जितमा थिएगो सिल्भा, एनगोलो कान्टे र एन्टेनियो रुडिगरले समान १–१ गोल गरे । तीनै गोल दोस्रो हाफमा सम्भव भएको थियो ।
दुवै टोलीले गोलका केही अवसर गुमाउँदा पहिलो हाफ गोलरहित बराबरीमा सकिएको थियो ।
४९औँ मिनेटमा सिल्भाले गोल गर्दै पाहुना टोली चेल्सीलाई अग्रता दिलाए । उनले मार्काेस अलोन्सोको पासलाई सदुपयोग गरे ।
५७औं मिनेटमा कान्टेले गोल गर्दै चेल्सीको अग्रता दोब्बर पारे । उनले माटेयो कोभासिचको पासमा गोल गरेका हुन् ।
थप गरिएको समयमा रुडिगरले टिमो वेर्नरको पासमा गोल गर्दै चेल्सीलाई सहज जित दिलाए ।
जितसँगै अपराजित रहेको चेल्सी ५ खेलबाट १३ अंक जोड्दै शीर्ष स्थानमा उक्लिएको छ । समान अंक नै रहेपनि लिभरपुल र म्यानचेस्टर युनाइटेड गोल अन्तरमा दोस्रो र तेस्रो स्थानमा छन् ।
लिगमा लगातार दोस्रो हार बेहोरेको टोटेनहम ९ अंक जोडेर सातौं स्थानमा छ ।
लिग अन्तर्गत आइतबार राति नै भएका अन्य खेलमा ब्राइटनले लेस्टर सिटी तथा म्यानचेस्टर युनाइटेडले वेस्ट ह्याम युनाइटेडमाथि समान २–१ को जित दर्ता गरेका छन् ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।