राष्ट्रिय क्रिकेट टिमका पूर्व कप्तान पारस खड्काले चौंथो संस्करणको एभरेष्ट प्रिमियर लिग (इपिएल )टी–२० क्रिकेट प्रतियोगिता नखेल्ने भएका छन् ।
आयोजकले मंगलबार सार्वजनिक गरेको इपिएल खेल्ने खेलाडी सूचीमा पारस परेका छैनन् ।
पारसले अघिल्लो सँस्करणसम्म विराटनगर वारियर्सको कप्तानी सम्हालेका थिए । उनको कप्तानीमा टोलीले दोस्रो संस्करणको उपाधि जितेको थियो ।
दुई महिना अघि अन्तराष्ट्रिय क्रिकेटबाट सन्यास लिएका पारसले घरेलु क्रिकेट भने खेल्ने बताए पनि अन्तिम समयमा आएर नखेल्ने भएका हुन् ।
काठमाडौं किंग्स ११ मा आवद्ध नेपाली क्रिकेट टिमका उपकप्तान दीपेन्द्र सिंहले पनि इपिएल नखेल्ने भएका छन् । उनले चोटका कारण प्रतियोगिता गुमाउने भएका हुन् ।
विराटनगरमा आवद्ध बलर बसन्त रेग्मी पनि यस संस्करणको इपिएलमा देखिने छैनन् ।
चौंथो संस्करणको इपिएल शनिबारबाट सुरु हुँदैछ । कीर्तिपुरस्थित त्रिवि क्रिकेट मैदानमा आयोजना हुने प्रतियोगितामा ६ फ्रेन्चाइज टोलीले प्रतिस्पर्धा गर्ने छन् ।
प्रतियोगिताको विजेताले ५० तथा उपविजेताले १५ लाख प्राप्त गर्ने आयोजकले जनाएको छ ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
