अफगानिस्ताका ब्याट्सम्यान मोहम्मद शहजाद र मध्यगतिका बलिङ अलराउन्डर करिम जनन्त चौथो संस्करणको एभरेष्ट प्रिमियर लिग (इपिएल) खेल्न नेपाल आइपुगेका छन् ।
उनीहरु बुधबार नेपाल आइपुगेका हुन् । शहजाद र जन्नत चितवन टाइगर्समा अनुबन्धित छन् ।
शहजादले अफगानिस्तानका लागि २ टेस्टमा ६९ रन, ८५ एकदिवसीय अन्तर्राष्ट्रियमा ६ शतक र १४ अर्धशतकसहित कुल २ हजार ७२७ तथा ६४ टि–२० अन्तर्राष्ट्रियमा १ शतक र ११ अर्धशतकसहित १ हजार ८६० रन प्रहार गरेका छन् ।
२३ वर्षीय करिमले अफगानिस्तानबाट एक मात्र एकदिवसीय तथा २७ टि–२० अन्तर्राष्ट्रिय खेल खेल्दा २९ विकेट हात पारेका छन् ।
चितवनमा आबद्ध श्रीलंकन खेलाडी सिकुगे प्रसन्न मंगलबार नै नेपाल आइपुगेका थिए । मलेसिया ब्याट्सम्यान विरनदीप सिंह आज राति आइपुग्ने चितवनले जनाएको छ ।
पाकिस्तानका अलराउन्डर डानिस अजिज भने इपिएल नखेल्ने भएका छन् ।
६ टोलीको सहभागिता रहने इपिएल असोज ९ देखि २३ सम्म कीर्तिपुरस्थित त्रिवि मैदानमा हुनेछ ।
चितवनले असोज १० मा विराटनगर वारियर्ससँगको खेलबाट प्रतियोगिताको सुरुवात गर्नेछ ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
