नेपाली कांग्रेसका उपसभापति विजयकुमार गच्छदारले ललिता निवास जग्गा प्रकरणमा आफू निर्दोष भएको बताएका छन् ।
बिहीबार विराटनगर पुगेर उपसभापति गच्छदारले विमानस्थलमा सञ्चारकर्मीसँग कुरा गर्दै ललिता निवास जग्गा प्रकरणमा पूर्वाग्रह राखेर आफूविरुद्ध मुद्दा चलाइएको बताए ।
आफूले मन्त्रिपरिषदमा प्रस्ताव मात्रै लगेको बताउँदै उनले प्रस्ताव लैजाने दण्डित हुने भए निर्णय गर्नेलाई किन छुट ? भनेर प्रतिप्रश्न गरेका थिए।
५ दशकको राजनीतिक जीवनमा कतै पनि सरकारको रकम दुरुपयोग नगरेको बताउँदै उनले जनताले दोषी ठहर्याए मृत्युदण्ड स्वीकार गर्न तयार रहेको बताए।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
