भारतमा पछिल्लो २४ घन्टामा थप २२ हजार ८४२ जनामा कोरोना संक्रमण पुष्टि भएको छ । यससँगै भारतमा कोरोना संक्रमित हुनेको संख्या ३ करोड ३८ लाख १३ हजार ९०३ पुगेकाे केन्द्रीय स्वास्थ्य मन्त्रालयले जनाएकाे छ ।

यसै गरी पछिल्लो २४ घन्टामा थप २४४ संक्रमितले ज्यान गुमाएका छन् । यससँगै भारतमा कोरोनाबाट मृत्यु हुनेको संख्या ४ लाख ४८ हजार ८१७ पुगेकाे छ ।

यही अवधिमा २५ हजार ९३० जना संक्रमणमुक्त भएका छन् । हालसम्म भारतमा तीन करोड ३० लाख ९४ हजार ५२९ जना संक्रमणमुक्त भइसकेका छन् ।

भारत संक्रमितका हिसाबले विश्वको दोस्रो र मृत्युका हिसाबले तेस्रो स्थानमा रहेको छ । 

भारतमा हालसम्म ९० कराेड ५१ लाख ७५ हजार ३४८ डाेज भ्याक्सिन लगाइसकिएकाे छ ।