राष्ट्रिय ‘ए’ डिभिजन फुटसल लिगको उपाधिका लागि स्पोर्ट्स क्यासल पोखरा र शङ्खमुल फुटसल प्रतिस्पर्धा गर्दै छन् ।
पोखराको बहुदेशीय कभर्डहलमा शुक्रबार हुने फाइनल खेल दिउँसो साढे १२ बजे सुरु हुनेछ ।
दुबै टिम आज उपाधि जित्ने लक्ष्यसहित मैदान उत्रने छन् । त्यसैले फाइनल खेल रोमान्चक हुने अनुमान गरिएको छ ।
स्पोर्ट्स क्यासल पहिलो क्वालिफायरमा द राइजिङ क्लब धरानलाई हराएर फाइनल प्रवेश गरेको हो।
शङ्खमुलले पनि फाइनल पुग्न दोस्रो क्वालिफायरमा राइजिङलाई नै पराजित गरेकोे थियो ।
फुटसल लिगको विजेताले १०,उपविजेताले ५ लाख प्राप्त गर्नेछन् । उत्कृष्ट गोलकिपर, उत्कृष्ट विंगर, उत्कृष्ट डिफेन्डर, उत्कृष्ट प्रशिक्षक र इमर्जिङ खेलाडीले जनही २५ हजार पाउने एन्फाले जनाएको छ ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
