महिनौंदेखि सार्वजनिक स्थानमा नदेखिएका चीनका अर्बपति ज्याक मा हङकङमा देखिएका छन् । 

समाचार एजेन्सी रोयटर्सका अनुसार उनी केही व्यापारी साथीहरुसँग खाना खाँदै गरेको अवस्थामा देखिएका थिए । 

पछिल्लो वर्ष अक्टोबरमा चीन सरकारको नीतिको आलोचना गरेपछि ज्याक मा महिनौं ‘गायब’ भएका थिए । त्यसपछि उनी जनवरीमा देखापरेका थिए । 

अक्टुबर घटनापछि अलिबाबाका संस्थापक ज्याक मा एकदमै कम मात्र सार्वजनिक रुपमा देखा पर्दै आएका छन् । 

सन् २०२० अक्टोबरमा ज्याक माले भाषण गर्ने क्रममा चीनको नियामक प्रणाली माथि प्रश्न उठाएका थिए । त्यसपछि उनलाई चीन सरकारले निगरानीमा राखेको थियो । 

यतिमात्र होइन उनको एन्ट ग्रुप फिनटेक आर्मको ३७ अर्ब डलरको आइपीओ चीन सरकारले निलम्बन गरेको थियो ।