एजेन्सी– स्पेनिस ला लिगा फुटबलमा शनिबार राति भएको खेलमा रियल मड्रिडले जित निकालेको छ । लगातार खराब प्रदर्शन गरिरहेको मड्रिडलाई यो जितसँगै केही राहत मिलेको छ । 

शनिबार राति भएको खेलमा मड्रिडले भालाडोलिडलाई २–० ले पराजित गरेको छ । मड्रिडका लागि सर्जियो रामोस र ओलिभइरा जुनियरले दोस्रो हाफमा गोल गरेका हुन् । 

घरेलु मैदानमा भएको खेलको पहिलो हाफमा मड्रिडले खासै राम्रो गर्न सकेन । तर दोस्रो हाफमा लयमा फर्किएको मड्रिड जित निकाल्न सफल भएको हो । मड्रिडले दुवै गोल खेलका अन्तिम १० मिनेटमा गरेको हो । 

लगातार खराब प्रदर्शन गरेपछि रियल मड्रिडले प्रशिक्षक जुलेन लुपेटेगुईलाई बर्खास्त गरेको थियो । रियलले सान्टियागो सोलारीलाई नयाँ प्रशिक्षक नियुक्त गरेको छ ।