भक्तपुरमा स्कुटर दुर्घटना हुँदा चालकको मृत्यु भएको छ । 

३५ वर्षीय राजकुमार तामाङको मृत्यु भएको हो । 

महानगरीय प्रहरी परिसर भक्तपुरका अनुसार धुञ्चेपाखाबाट आउँदै गरेका उनी सवार बाग्मती प्रदेश ०२-०१६ प ३४३६ नम्बरको स्कुटर भक्तपुरको मध्यपुर ठिमी नगरपालिका-८ तीन दोबाटोमा अनियन्त्रित भएर आज बिहान दुर्घटना भएको हो ।

दुर्घटनापछि तामाङ गम्भीर घाइते भएका थिए । उनको नेपाल–कोरियन मैत्री नगरपालिका अस्पताल थिमीमा उपचारको क्रममा मृत्यु भएको हो । उनको शव सोही अस्पतालमा रहेको प्रहरीले जनाएको छ ।