नेकपा एमालेका अध्यक्ष केपी शर्मा ओलीले दोस्रोपटक अध्यक्ष पदमा पदबहाली गरेका छन् । उनले पार्टी कार्यालय थापाथली पुगेर पदबहाली गरेका हुन् ।
चितवनमा भएको राष्ट्रिय महाधिवेशनको निर्वाचनबाट ओली १८३७ मतसहित अध्यक्षमा निर्वाचित भएका हुन् । उनले आज पदबहाली गरेका छन् । अध्यक्ष ओलीलाई वरिष्ठ उपाध्यक्ष ईश्वर पोखरेल, महासचिव शंकर पोखरेल, कार्यालय सचिव शेरबहादुर तामाङलगायतले पार्टी कार्यालयमा स्वागत गरेका थिए ।
महासचिव पोखरेलले अध्यक्ष ओलीलाई पदबहाली गर्नुअघि हस्ताक्षर गर्नका लागि फाइल हातमा दिएका थिए ।
सर्वसम्मति अध्यक्ष भएर चितवनबाट फर्कन चाहेका ओली अन्ततः मतदान प्रक्रियामा सामेल भएर निर्वाचित भएका थिए ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
