कांग्रेसका वरिष्ठ नेता रामचन्द्र पौडेलले खुला सहमहामन्त्री थप्न नहुने पक्षमा छन् । सभापति शेरबहादुर देउवालाई मन लाग्दा थप्ने भन्ने कुरा जायज नभएको उनको तर्क छ। 

आजको केन्द्रीय समिति बैठकमा पनि उनले सहमहामन्त्री थप्ने विषयमा फरक धारणा राख्ने उनीनिकट एक नेताले बताए ।

‘महासमिति बैठकबाट नथप्ने अनि अहिले आवश्यक भयो भन्दै सभापतिजीले थपौं भन्दा उहाँले मान्ने कुरा भएन । उहाँले विरोध गर्नु भएको छ’, ती नेताले फरकधारसँग भने। 
 
कांग्रेसको संस्थापन पक्षमा पदाधिकारीमा धेरै नेताको चाहना भएपछि देउवा समस्यामा छन् ।आकांक्षी नेताहरूको व्यवस्थापन गर्न खुला सहमहामन्त्री थप्ने देउवाको तयारी छ ।
 
बुधबार बूढानीलकण्ठस्थित उनको निवासमा निकटस्थ नेताहरूको बैठकमा यस विषयमा कुरा उठेको थियो । आजको केन्द्रीय समिति बैठकमा यही प्रस्ताव प्रस्तुत हुने एक नेताले बताए ।