इंग्लिस प्रिमियर लिगअन्तर्गत शनिबार भएको खेलमा घरेलु टोली म्यानचेस्टर सिटीले १० खेलाडीमा सीमित उल्भ्समाथि १–० को कठिन जित हात पारेको छ ।

इतिहाद स्टेडियममा खेलको ६६औँ  मिनेटमा रहिम स्टर्लिङले पेनाल्टीमार्फत गरेको एक मात्र  गोल सिटीलाई जित दिलाउन पर्याप्त बन्यो । स्टर्लिङको सिटीका लागि यो १००औँ  प्रिमियर लिग गोल हो ।

पहिलो हाफको थप गरिएको समयमा राउल जिमिनेजले दोहोरो पहेँलो कार्ड बेहोर्दै मैदान छाडेपछि उल्भ्स १० खेलाडीमा सीमित बनेको थियो ।

जितसँगै १६ खेलमा ३८ अंक जोडेको सिटी शीर्ष स्थानमा कायम रहँदा २१ अंकका साथ उल्भ्स आठौँ स्थानमा छ ।