नेपाली कांग्रसको १४ औं महाधिवेशनको मतगणना जारी छ । पार्टी कार्यालय सानेपामा जारी मतगणनामा अहिलेसम्म शेखर कोइराला प्यानलबाट उम्मेदवार बनेका धनराज गुरुगं र चन्द्र भण्डारीले अग्रता लिएका छन् । 

यसअघि सभापतिका लागि भएको दुई चरणको निर्वाचन पछि शेरबहादुर देउवा विजयी भइसकेका छन् । कांग्रेस पदाधिकारीमा उम्मेदवारी घोषणा गर्दैगर्दा प्यानल परिवर्तन गरेकी सुजता कोइरालाको भने झिनो मत आएको छ । 

मतगणनामा सुजताको निकै कमजोर प्रदर्शन देखिएको छ । उनी पूर्वउपप्रधानमन्त्री समेत हुन् । उनी पूर्वप्रधानमन्त्री तथा नेपाली कांग्रेसका पूर्वसभापति स्व. गिरिजाप्रसाद कोइारालाकी पुत्री पनि हुन् । 

संस्थापन इतर समूहमा रहेकी उनले अन्तिम समयमा प्रकाशमान सिंहको टिमलाई साथ दिँदै उम्मेदवारी घोषणा गरेकी थिइन् । तर, मतगणना जारी भइरहँदा उनको मत भने निकै झिनो देखिएको छ । 

उपसभापतिको गणना सकिएपछि महामन्त्रीको गणना सुरु गर्ने निर्वाचन आयोगको तयारी छ ।