पछिल्लो २४ घण्टामा प्रदेश-१ को मोरङमा सबैभन्दा बढी २४ जना कोरोना संक्रमित थपिएका छन् । 

सोही अवधिमा सुनसरीमा ५, उदयपुरमा १ र प्रदेश बाहिर १ जनामा संक्रमण देखिएको सामाजिक विकास मन्त्रालयले जनाएको छ ।

स्थानीय पालिका अनुसार मोरङको विराटनगर महानपादिकामा २०, उर्लाबारीमा २, रङ्गेली र धनपालथानमा १/१, सुनसरीको धरानमा ५, उदयपुरको त्रियुगामा १ र प्रदेश बाहिरका १ जना गरी कूल ४३ जनामा संक्रमण देखिएको हो । 

संक्रमित १६८ जनाको पीसीआर परीक्षण गर्दा ३१ र १६० जनाको एन्टिजेन परीक्षण गर्दा १२ जनामा संक्रमण देखिएको मन्त्रालयले जनाएको छ । 

प्रदेशमा आजै ३ महिलासहित ७ जना कोरोना संक्रमणमुक्त भएका छन् भने प्रदेशमा अझै १९२ जना सक्रिय संक्रमित रहेको मन्त्रालयले जनाएको छ ।