सर्वोच्च अदालतले ओमिक्रनबाट अदालतका न्यायाधीश, मुख्य रजिस्ट्रारसहित ३१ जना संक्रमित भएपछि फेरि सेवा प्रवाहमा संकुचन गरेको छ । सर्वोच्चले मंगलबारदेखि दुई सातासम्म संकुचन गर्ने निर्णय गरेको छ ।

यस अवधिमा  बन्दीप्रत्यक्षीकरण, कोभिडसँग सम्बन्धित, थुनुवाको निवेदनसम्बन्धी र हेर्दाहेर्दैमा रहेको मुद्दाहरूको सुनुवाइ हुने प्रवक्ता बाबुराम दाहालले बताए । उनका अनुसार निर्णय सुनाउनु (निसु) गर्नुपर्ने मुद्दाको पनि सुनुवाइ हुनेछ । 

यसअघि पनि सर्वोच्चले कोभिड संक्रमण फैलिएको बेला गत साल सेवामा संकुचन गरेको थियो । 

मंगलबार मात्रै ओमिक्रनबाट दस हजारभन्दा बढी मानिस संक्रमित भएको स्वास्थ्य तथा जनसंख्या मन्त्रालयले जनाएको छ ।