सिटामोल लुकाउने एक फार्मेसीलाई वाणिज्य, आपूर्ति तथा उपभोक्ता संरक्षण विभागले कारवाही गरेको छ ।
बजारमा अभाव भएको भन्दै बिरामी ग्राहकलाई सिटामोल बिक्री नगर्ने सातदोबाटोमा रहेको गोसाइंकुण्ड स्वास्थ्य सेवा केन्द्रलाई विभागले १० हजार जरिवाना गरेको हो ।
विभागको छड्के अनुगमनको क्रममा ग्राहकलाई सिटामोल छैन भनेका थिए । तर, गोदाममा भने सिटामोल भेटिएपछि कारवाही गरिएको विभागका निरीक्षण अधिकृत धनेश्वर पौडेलले जानकारी दिए।
केही दिनदेखि ग्राहकलाई सिटामोल छैन भन्दै बिरामीलाई फर्काउँदै आएको थियो ।
विभागले १० हजार जरिवाना गर्नुका साथै सचेत समेत गराएको छ । औषधिजस्तो संवेदनशील वस्तुकाे कृत्रिम अभाव सिर्जना गराउन नपाउने उनको भनाइ छ ।
केही दिनयता ज्वरोका बिरामी बढेसँगै सिटामोलको माग उच्च भएको छ । त्यही मौकामा सिटामोल लुकाउने गरेको गुनासो आएपछि विभागले बजार अनुगमनलाई तीब्रता दिएको छ ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।