नेपाली कांग्रेसका महामन्त्री विश्वप्रकाश शर्माले हिंसा भड्काउने अभिव्यक्ति दिएकी मन्त्री रेणु यादवको अभिव्यक्तिको उपचारका तीन विकल्प अघि सारेका छन् । 

केही दिनदेखि परिवारसहित कोरोना संक्रमण भएर बसेका शर्माले तीनवटा विकल्प अघि सारेका हुन् । आइसोलेसनबाट महामन्त्री शर्माले भनेका छन्,‘स्वयम् व्यक्तिद्वारा भुल स्वीकार र क्षमा याचना !

अर्को विकल्प प्रस्तुत गर्दै शर्माले सम्बन्धित दलद्वारा पहलकदमी र राजीनामा आउनपर्ने विकल्प दिएका छन् । दोस्रो नम्बर बुँदामा उनले भनको छन्, ‘सम्बन्धित दलद्वारा पहलकदमी र राजीनामा’

महामन्त्री शर्माले प्रधानमन्त्रीद्वारा पदमुक्त गर्ने अर्को विकल्प पनि अघि सारेका छन् । उनले भनेका छन्,‘पदीय मर्यादाविपरीत अभिव्यक्ति ठहर गर्दै प्रधानमन्त्रीद्वारा पदमुक्त’

साथै, उनले तीन उपचारका पछिल्तिर तीन कारण रहेको बताएका छन् । 

यस्ता छन् उनका तीन कारण :

१.राज्यको जिम्मेवारीमा बस्नेको अभिव्यक्ति र व्यवहार तुलनात्मक रूपले बढी जिम्मेवारी हुनैपर्दछ। 

२. हिंसा भड्काउने अभिव्यक्ति जोसुकैबाट होस् स्वीकार्य हुनुहुन्न

३. विगतको हिंसा देशका लागि गम्भीर पाठ बन्नुपर्छ, रोमान्सको अभिव्यक्ति बन्नुहुन्न