स्पेनिस ला लिगाअन्तर्गत आइतबार रातिको खेलमा बार्सिलोनाले घरेलु टोली एलाभेसमाथि १-० को कठिन जित हात पारेको छ । मेन्डिजोरोजामा खेलको ८७ औं मिनेटमा  फ्रान्कि डि जोङले गरेको एक मात्र गोल बार्सिलोनालाई जित दिलाउन प्रयाप्त बन्यो ।

जितसँगै २१ खेलमा ३५ अंक जोडेको बार्सिलोना पाँचौं स्थानमा रहँदा पराजित एलाभेस २२ खेलमा १७ अंकका साथ १९ औं स्थानमा छ ।

लिगअन्तर्गत गएराति नै भएका अन्य खेलमा ओसासुनाले ग्रानाडालाई २-० तथा एथलेटिक क्लब बिल्वाओले रायो भेल्कानोलाई १-० ले पराजित गरे । रियल मड्रिड इल्चेसँग २-२ तथा रियल सोसिडाड गेटाफेसँग गोलरहित बराबरीमा रोकिए ।