दोस्रो संस्करणको ललितपुर मेयर महिला टी-२० च्याम्पियनसिपको फाइनलमा आज साविक विजेता एपिएफ क्लबले सुदूरपश्चिम प्रदेशको सामना गर्दैछ । कीर्तिपुरस्थित क्रिकेट मैदानमा हुने फाइनल दिउँसो १ बजेबाट सुरु हुनेछ ।

पाँच टोली सहभागी प्रतियोगितामा एपिएफ शीर्ष स्थानमा रहदै फाइनल पुगेको हो । उसले  ४ खेलमा शतप्रतिशत  जितसहित ८ अंक जोडेको थियो ।

एपिएफ सुदूरपश्चिमलाई पराजित गर्दै उपाधि रक्षा गर्ने प्रयासमा हुनेछ ।  ४ खेलमा ३ जित १ हारसहित ६ अंक जोडेको सुदूरपश्चिम दोस्रो स्थानमा रहदै फाइनल पुगेको हो ।

सुदूरपश्चिम पनि समूह चरणमा बेहोरेको हारको बदला लिँदै पहिलोपटक उपाधि उचाल्ने सोचमा छ ।