राष्ट्रिय प्रजातन्त्र पार्टी (राप्रपा)का अध्यक्ष राजेन्द्र लिङ्देनले केही सीमित नेताहरुको प्रभावमा शासन सत्ता चलिरहेको बताएका छन् । उनले राजनीति र चुनावमा युवाहरुको हस्तक्षेपकारी भूमिका आवश्यक रहेको बताएका छन् ।
शनिबार राप्रपा केन्द्रीय कार्यालयमा आयोजित पार्टी प्रवेश कार्यक्रमलाई सम्बोधन गर्दै अध्यक्ष लिङ्देनले यस्तो धारणा व्यक्त गरेका हुन् ।
एकथरी नेताहरु विगत ३१ वर्षदेखि सत्तामा रहेको र उनीहरुकै कारण देशको अवस्था ओरालो लागेको र प्रणाली नै असफल भएको लिङ्देनले बताए ।
उनले भने, ‘शेरबहादुर देउवा, केपी ओली र प्रचण्डलाई फेरि कतिपटक प्रधानमन्त्री बनाए वा कति समय थप दिए देश बन्छ ? कस्तो विकास र परिवर्तन हुन्छ ? यसकारण देशमा विद्यमान निराशा चिर्न युवाहरुले राजनीतिमा हस्तक्षेप गर्नुपर्दछ, चुनावमा हस्तक्षेप गर्नुपर्दछ ।’
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।