काठमाडौं– मेलम्ची खानेपानी विकास समितिले मेलम्ची खानेपानी आयोजना निर्माणको ठेक्का लिएको इटालियन कम्पनी सिएमसीको अढाइ अर्ब रुपैयाँ धरौटी रोक्का गर्न स्ट्यान्डर्ड चार्टर्ड बैंकमा पत्राचार गरेको छ ।
काम अधुरो छाडेर कम्पनीका कर्मचारी भाग्न खोजेपछि समितिले धरौटी रकम रोक्ने प्रक्रिया अघि बढाएको हो । केहीअघि उक्त कम्पनी टाट पल्टिएको खबर बाहिरिएकाे थियाे ।
सिएमसीका प्रोजेक्ट म्यानेजर क्रिस्चियानो ग्रेचोसहित ८ कर्मचारी भाग्ने क्रममा आइतबार राति पक्राउ परेका थिए ।
सिएमसी कम्पनी आफैँले केही समयअघि टाट पल्टिएको सूचना सार्वजनिक गरेपछि सरकारले त्यसबारे खोजीनीति थालेको थियो । इटालीस्थित अदालतले सिएमसीलाई साधारण प्रशासनिक काम मात्र गर्न आदेश दिएको खबर छ ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
