तीन रुसी अन्तरिक्ष यात्रीको टोलीले युक्रेनमा भएको आक्रमणको अनौठो तरिकाले विरोध गरेको छ ।
तीनै जना अन्तरिक्ष यात्री युक्रेनी झण्डाको रङ भएको सुट लगाएर अन्तर्राष्ट्रिय अन्तरिक्ष स्टेशन पुगेका हुन् ।
युक्रेनमा रुसको आक्रमणको विरोध गर्न उनीहरूले यो विधि अपनाएको मानिएको छ ।
गत महिना युक्रेनमा रुसी आक्रमणपछि अन्तर्राष्ट्रिय अन्तरिक्ष स्टेशनमा पुग्ने अन्तरिक्ष यात्रीहरूको यो टोली पहिलो हो ।
स्टेशनमा आउनेबित्तिकै यी अन्तरिक्ष यात्रीहरूलाई न्यानो स्वागत गरिएको थियो ।
यहाँ अमेरिकी, रुसी र जर्मन टोलीका सदस्यलाई अँगालो हालेर बधाई दिँदै गरेको उनीहरू देखिएका छन् ।
तीन रूसी अन्तरिक्ष यात्री पहेँलो र नीलो रङको सुटमा थिए । युक्रेनको झण्डा पनि नीलो र पहेँलो रङको छ ।
अन्तरिक्ष यात्रीहरूका लागि तोकिएको मानक नीलो युनिफर्मको सट्टा उनीहरूले यस्तो युनिफर्म लगाएका थिए ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।