इटालियन सिरी ‘ए’ फुटबलअन्तर्गत सालेरनिटानाविरुद्ध युभेन्ट्स २–० ले विजयी भएको छ । गएराति भएको खेलमा युभेन्ट्सको जितमा पाउलो डिबाला र डुसन भ्लाहोभिचले एक/एक गोल गरे । 

घरेलु मैदानमा भएको खेलमा पाँचौं मिनेटमा डिबालाले गोल गर्दै युभेन्ट्सलाई अग्रता दिलाएका थिए । २९ औं मिनेटमा डुसनको गोलमा युभेन्ट्स २–० ले विजयी भयो । यो जितसँगै युभेन्टसले उपाधि होडमा आफूलाई बलियो बनाएको छ ।  

उसले लिगमा ३० खेलमा ५९ अंक जोडेको छ । युभेन्ट्स अंक तालिकाको चौथो स्थानमा छ । सालेरनिटाना १६ अंक जोडेर पुछारमा छ ।