गायक निमा शेर्पाको स्वर रहेको ‘रेशमैको डोरी’ बोलको गीतको भिडियो सार्वजनिक भएको छ । जसमा टिकटकबाट चम्किएकी सुन्दरी मोडल उषा उप्रेती र मोडल विक्रम बुढाथोकीको अभिनय देख्न सकिन्छ । 

गीतकार तथा संगीतकार सिएल शर्माका शब्द तथा संगीत सृजना रहेको गीतको भिडियोमा एक प्रेमील जोडीले हाँसीखुसी एकसाथ जिन्दगी बिताउने विश्वास लिएको कुरालाई निर्देशक विक्रम चौहानले कलात्मक शैलीमा तयार पारेका छन् ।  

साहस शाक्यको एरेन्ज रहेको गीतको भिडियोको छायांकन प्रकाश खड्काले गरेका हुन् भने सम्पादन लक्ष्मण चौहानले गरेका हुन् ।