एमालेबाट विराटनगरमा मेयरको टिकट पाएका को हुन् सागर थापा ?
फाइल तस्वीर

लामो रस्सकस्सीपछि नेकपा (एमाले) बाट मेयर टिकट सागर थापाले पाएका छन् । केन्द्रीय नेताहरुले विराटनगरको मेयरमा आकांक्षा राख पनि अन्ततः एमालेले उनीहरुलाई पन्छाउँदै थापालाई टिकट दिएको हो । 

नेकपा एमालेको केन्द्रीय सचिवालय बैठकले थापालाई महानगर प्रमुख र कार्कीलाई उपप्रमुखको उम्मेदवार बनाउने निर्णय गरेको हो । 

केन्द्रीय नेतहरुले समेत आकांक्षा देखाए पनि तल्लो तहका सागर थापा आम कार्यकर्ताका माग थियो । उनी विराटनगरमा लोकप्रिय छन् । 

बुवा चन्द्रबहादुर र आमा कमला थापाको कोखबाट ३ साउन २०३३ मा जन्मिएका उनी विराटनगरवासी माझ घुलमिल हुँदै आएका नेता हुन् । 

विराटनगर–४ जामुनगाछी घर भएका थापा स्कुले जीवनदेखि नै विद्यार्थीको हक हितको आवाज उठाउँदै अनेरास्ववियुमा आबद्ध भएका थिए । 

विद्यार्थी आन्दोलनबाटै उनी पार्टीको राजनीतिमा आएका हुन् । थापा २०४६ सालदेखि औपचारिक रुपमा विद्यार्थी राजनीतिमा होमिएका थिए । 



स्नातकोत्तरसम्मको अध्यक्ष पुरा गरेका थापा देशकै चर्चित विराटनगरको महेन्द्र मोरङ आदर्श बहुमुखी क्याम्पसको दुई टक स्ववियू सभापति भए । 

थापा महेन्द्र मोरङ क्याम्पस विराटनगरको २०५७ देखि ०६० र २०६० देखि २०६२ सम्म स्ववियू सभापति भएका थिए । 



विद्यार्थी राजनीति हुँदै एमालेको राजनीतिमा सक्रिय थापा विद्यार्थी कालदेखि नै जुझारु कार्यकर्ताको पहिचान बनाएका थिए । 

नेकपा एमाले महानगर कमिटी इन्चार्ज हुँदै संयोजक र अध्यक्ष भई लगातार १२ वर्षदेखि विराटनगर महानगरको नेतृत्व थापाले गरेका छन् ।

शाही शासन कालमा आन्दोलन गरिरहँदा पक्राउ परि २८ दिन जेल जीवन पनि उनले बिताएका थिए । 

२०७४ सालमै मेयरको उम्मेदवार टुंगो लागेपनि अन्तिम समयमा हेभिवेट नेतालाई उम्मेदवार बनाउने पार्टीले निर्णय गरेपछि उनी पछि हटेका थिए । 

२०७४ सालको निर्वाचनमा नेता विनोद ढकालले टिकट पाएका थिए । तर, उनी तत्कालिन कांग्रेसका नगरसभापति भीम पराजुलीसँग पराजित भएका थिए । 

पराजुली पनि नेवि संघको बागी उम्मेदवार बनेर महेन्द्र मोरङ क्याम्पसको स्ववियु सभापति जितेका थिए । सागर थापापछिका स्ववियु सभापति पराजुली हुन् । 

  • प्रकाशित मिति : बैशाख १२, २०७९ साेमबार १४:२२:५०

फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।


यस विषयसँग सम्बन्धित समाचार

यो सामग्री सेयर गर्नुहोस्

यो सामग्री सेयर गर्नुहोस्

यो पनि नछुटाउनुहोस्
मल्टिमिडिया