मेलम्चीको पानी ललितपुरमा पनि वितरण गर्न सुरु गरिएको छ । खुमलटारस्थित नयाँ पानी पोखरीबाट रिङरोडभित्र मेलम्चीको पानी वितरण गर्न सुरु गरिएको हो ।

काठमाडौं उपत्यकाभित्र पुरानै पाइप र धाराबाट पानी वितरण गरिरहेको काठमाडौं उपत्यका खानेपानी लिमिटेड (केयूकेएल) ले ललितपुरमा भने नयाँ पाइपलाइन र धाराबाट पानी वितरण गर्न सुरु गरेको हो ।  

पानी वितरण तालिका अनुसार हरेक दुई दिनको फरकमा ठाउँ हेरी दुईदेखि चार घण्टासम्म पानी वितरण हुने केयूकेएल ललितपुर शाखाले जनाएको छ । 

यसअघि पनि ललितपुरमा मेलम्चीको पानी वितरण सुरु गरिएको थियो । तर, बाढीले आयोजनाको संरचनामा क्षति पुर्याएपछि पानी वितरण कार्य रोकिएको थियो ।