धनगढी उपमहानगरपालिकाको मतगणना सुरु भएको छ । गणना वडा नम्बर १ बाट सुरु गरिएको हो । मतगणना धनगढी उपमहानगरपालिकाको नवनिर्मित भवनमा भइरहेको हो । धनगढीमा १९ वडा रहेका छन् ।

यसपालि पनि धनगढीमा नेपाली कांग्रेसका नृपबहादुर वड र स्वतन्त्र उम्मेदवार गोपाल हमालबीच तीव्र प्रतिस्पर्धा हुने आँकलन गरिएको छ । यस्तै, नेकपा एमालेबाट रणबहादुर चन्द पनि प्रतिस्पर्धामा रहेका छन् ।

दलसहित र स्वतन्त्र उम्मेदवारले शुक्रबार रातिदेखि नै गणना सुरु गर्न माग गरे पनि मुख्य निर्वाचन अधिकृतको कार्यालयले आजदेखि नै सुरु गर्ने अडान लिएको थियो ।

९३ हजार १ सय ५१ मतदाता रहेको धनगढीमा ६३ हजार ७ सय १५ मत खसेको छ ।