वैशाख ३० गते सम्पन्न स्थानीय तहको मतदानकोे मत गणना भइरहेको छ । आफूले मत दिएको उम्मेदवारहरुले जित हासिल गरे फूलमाला लगाउँला भनेर मतगणना भइरहेको स्थानको ढोका बाहिर सयौँ मतदाता तथा कार्यकर्ता कुरिरहने गरेका छन् । 

हेटौंडाको मत परिणाम थाहा पाउनका लागि मतगणना सुरु भएको दिनदेखि नै चर्को घाममा पनि भिड लाग्ने गरेको छ । 

हेटौंँडामा १, २, ३, १७, १८, १९ नम्बर वडाको मतगणना​ सकिइसकेको छ । मंगलबार ४, ५, ६, १४, १५ र १६ नम्बर वडाको मतगणना भइरहेको र उक्त मत परिणाम सुन्नका लागि बिहानैदेखि भीड लागेको हो ।