इटालियन सिरी ‘ए’ को उपाधि एसी मिलानले जितेको छ । गएरातिको आफ्नो अन्तिम खेलमा घरेलु टोली सासोउलोलाई ३–० ले हराउँदै मिलान विजेता बनेको हो।
११ वर्षपछि लिग उपाधि जितेको मिलान समग्रमा १९ औंपटक लिग विजेता बनेको हो । मापेइ स्टेडियममा खेलको १७ औं मिनेटमा ओलिभर जिरुडले मिलानलाई अग्रता दिलाएका थिए ।
३२ औं मिनेटमा जिरुडले व्यक्तिगत दोस्रो गोल गर्दै पाहुना टोलीको अग्रता दोब्बर बनाए । ३६ औं मिनेटमा फ्रान्क केस्सीले गोल गर्दै मिलानलाई ३–० को सहज जित दिलाए ।
मिलानले दोस्रो स्थानको साविक विजेता इन्टर मिलानलाई २ अंकले पछि पार्दै उपाधि जितेको हो । यो जितसँगै मिलानले ३८ खेलमा ८६ अंक जोड्दा पराजित सासोउलो ५० अंकका साथ ११ औं स्थानमा रह्यो ।
लिगअन्तर्गतकै अन्य खेलमा इन्टर मिलान, नापोली र उडिनेसले आ–आफ्नो खेलमा जित हात पार्दा भेनेजिया र काग्लियरी गोलरहित बराबरीमा रोकिएका छन् ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।