पोखरा विमानस्थलबाट जोमसोमका लागि आज विहान ९ बजेर ५५ मिनेट जाँदा उडान भरेको तारा एयरको विमान मुस्ताङको लाजुङको खोँचमा दुर्घटनाग्रस्त भएको छ ।

यसको स्थलगत पुष्टि हुन बाँकी छ । 

वायुसेवा सन्चालक संघका प्रवक्ता योगराज शर्मा कँडेलले त्यहाँ विमान दुर्घटनाग्रस्त भएको बताएका छन् ।

आज विहान ९ बजेर ५५ मिनेटमा उडान भरेको तारा एयरको ट्विनअटर १८ मिनेटपछि सम्पर्कविहिन भएको थियो । विमानमा ६ विदेशीसहित २२ यात्रु सवार थिए । यसमा तीन जना चालक दलका सदस्य थिए । 

विमानलाई पाइलट प्रभाकर घिमिरेले उडाएका थिए ।