काठमाडौं महानगरपालिकाका नवनिर्वाचित मेयर बालेन्द्र साह (बालेन) ले पदभार ग्रहण गरेका छन् । पद तथा गोपनीयताको सपथ लिएलगत्तै उनले पदभार ग्रहण गरेका हुन् ।

पदभार ग्रहण गर्दै मेयर साहले नगरसभाको बैठक लाइभ गर्ने पहिलो निर्णय गरेका छन् । नगरसभाको पहिलो बैठक आज ४ बजे बोलाइएको छ । बैठकको प्रत्यक्ष प्रशारण गर्ने साहले बताए । त्यस्तै, काठमाडौंको फोहोर व्यवस्था नभएसम्म खादा–माला नलगाउने र खुसी नमनाउने पनि उनले घोषणा गरे ।

‘हामीले गरेको पापको भोगी उहाँहरू हुनु भएको छ । हाम्रो फोहोरले गर्दा सिसडोलवासी क्यान्सर पीडित हुनु भएको छ, छालाको रोग भएको छ । त्यत्रो मान्छे मरिरहनु भएको छ । यो शोक मनाउने बेला हो,’ साहले भने ।