Mon, 25 Mar, 2019


न्यायपालिका अधिकृत समाजकाे ‘न्यायिक आवाज’ सार्वजनिक
फरकधार / पुस २६, २०७५

काठमाडौं– न्यायपालिका अधिकृत समाजद्वारा प्रकाशित ‘न्यायिक आवाज’ नामक पुस्तक आज विमोचन भयो । सर्वोच्च अदालतमा एक कार्यक्रमबीच समाजका प्रमुख संरक्षक तथा सर्वोच्च अदालतका मुख्य रजिस्ट्रार राजनप्रसाद भट्टराईले सो पुस्तक विमोचन गरे । 

समाजको आठौँ संस्करणका रुपमा प्रकाशित पुस्तकमा न्यायक्षेत्रसँग सम्बन्धित ३५ वटा लेखकका अनुसन्धनात्मक लेख समावेश छन् । न्याय क्षेत्रका सैद्धान्तिक मूल्यमान्यता तथा यस क्षेत्रमा काम गर्दाका अभ्यास, अनुभूति र विश्लेषण पुस्तकमा समाटिएका छन् । 

विमोचन कार्यक्रममा मुख्य रजिस्ट्रार भट्टराईले समाजले प्रकाशन गरेको यो पुस्तक न्याय र कानुन क्षेत्रसँग सम्बन्धित जिज्ञासा राख्नेका लागि उपयोगी सामग्री भएको बताए । 

समाजका अध्यक्ष तथा सर्वोच्च अदालतका रजिस्ट्रार महेन्द्रनाथ उपाध्यायले नयाँ संविधान र कानुन कार्यान्वयनका चरणमा रहेको अवस्थामा यसै क्षेत्रलाई समेटेएर प्रकाशित पुस्तक समसामयिक रहेको बताए । 

समाजका महासचिव बाबुराम दाहालले समाजले न्याय क्षेत्रका अधिकृतको व्यावसायिक क्षमता अभिवृद्धिका लागि काम गरिरहेको जानकारी दिए । पुस्तकको संयोजन सर्वोच्च अदालतका प्रवक्ता भद्रकाली पोखरेलले गरेका हुन् ।



यो पनि नछुटाउनुहोस्