कपिलवस्तु कृष्णनगरका एक युवकको शव इनारमा फेला परेको छ । तीन दिनदेखि बेपत्ता कृष्णनगर नगरपालिका–९ बहादुरगञ्जका अर्जुन कहारको शव इनारमा डुबेको अवस्था फेला परेको हो ।  

श्रीराम गोरखा माध्यमिक विद्यालय नजिकको इनारमा कहारको शव फेला परेको इलाका प्रहरी कार्यालय बहादुरगञ्जका प्रहरी नायब निरीक्षक दीपेन्द्र गिरीले जानकारी दिए।

शव परीक्षण गर्न शिवराज अस्पताल पठाइएको छ। उनको हत्या वा आत्महत्या खुलेको छैन। घटना सम्बन्धमा अनुसन्धान सुरु गरिएको प्रहरीले जनाएको छ।