चितवनमा धान रोप्न गएका १४ रोपाहार चट्याङ लागेर घाइते भएका छन् । जिल्लाको कालिका नगरपालिका–८ मझुवास्थित कमला विकको खेतमा बुधबार धान रोपाइँ गरिरहेको अवस्थामा पानी परेपछि उनीहरू स्थानीय जन्तरी प्रजाको घरमा ओत लाग्न गएका थिए । 

सोही क्रममा हुरीबतास र पानीसँगै परेको चट्याङले रोपाहार घाइते भएका हुन् । घाइतेमध्ये पाँच जनाको भरतपुर अस्पतालमा उपचार भइरहेको छ । अन्य नौ जना गएराति नै उपचारपछि घर फर्किएको प्रहरीले जनाएको छ । 

घाइते पाँच जनाको अवस्था खतरामुक्त रहेको छ ।