नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले तेस्रोपटक पोलिटब्युरोमा रहने सदस्यहरूको नाम पढेर सुनाएका छन् ।
कमलादीस्थित प्रज्ञा भवनमा बसेको केन्द्रीय समिति बैठकमा यसअघि अध्यक्ष प्रचण्डले १२५ पोलिटब्युरो सदस्यको नाम प्रस्ताव गरेका थिए ।
त्यसमा विवाद भएपछि उनले तेस्रो पटक नाम पढेर सुनाएका हुन् । प्रचण्डले तेस्रो पटक पोलिटब्युरो सदस्यका रूपमा १५६ जनाको नाम पढेका छन् ।
उनले १२५ भन्दा पछिका नाम वैकल्पिक पोलिटब्युरो सदस्यको रहेको बताए । बैठकले १२५ पोलिटब्युरो र ३१ वैकल्पिक पोलिटब्युरो केन्द्रीय समितिबाट पारित गरेको छ ।
प्रस्तावित नाममा प्रचण्डकै परिवारबाट चार जना परेका छन् । जसमा अध्यक्ष प्रचण्डसहित उनकी छोरी रेनु दाहाल, बुहारी बीना मगर र भाइ नारायण दाहालको नाम छ ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
