लस एन्जलस– वैज्ञानिकहरुले ‘प्लुरिपोटेन्ट स्टिम सेल’लाई परिपक्व ‘टी सेल’मा बदल्न सक्ने नयाँ प्रविधिको विकास गरेका छन्, जुन क्यान्सर तथा ट्युमरको उपचारमा प्रभावकारी हुन सक्छ ।
अमेरिकाको लस एन्जलसस्थित युनिभर्सिटी अफ क्यालिफोर्नियाका सोधकर्ताहरुले यस्तो प्रविधिको विकास गरेका हुन् । यो प्रविधिबारे ‘स्टिम सेल’मा प्रकाशित सोधमा चर्चा गरिएको छ ।
टी सेल प्रतिरक्षा प्रणालीका कोष हुन्, जो संक्रमणसँग लड्दछन् । साथै, यी कोषमा क्यान्सरका कोषिकालाई नष्ट गर्ने क्षमता हुन्छ ।
सोधका अनुसार, यस प्रविधिको मद्दतले शरीरमा आफैँ बन्ने प्लुरिपोटेन्ट स्टिम सेललाई टी सेलमा परिणत गर्न सकिन्छ । यसरी टी सेलको निर्माण गर्ने प्रविधि क्यान्सरको उपचारमा फलदायी बन्ने सोधकर्ताहरुको विश्वास छ ।
सोधकर्ताहरुका भनाइमा यो अध्ययनबाट एचआइभी र भाइरल संक्रमणजस्ता स्वप्रतिरक्षित रोगहरुमा गर्न सकिने ‘टी थेरापी’माथि थप अध्ययन गर्नसमेत प्रेरणा मिल्छ ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।