हसरंगालाई दिएन श्रीलंकन क्रिकेट बोर्डले ‘द हन्ड्रेड’ खेल्न अनुमति
फरकधार / २० साउन, २०७९

श्रीलंका क्रिकेट (एसएलसी) ले हन्ड्रेडमा खेल्नका लागि नो अब्जेक्सन सर्टिफिकेट (एनओसी)  दिन अस्वीकार गरेपछि श्रीलंकन बलर वानिन्दु हसरंगाले म्यानचेस्टर ओरिजिनल्ससँगको आफ्नो  सम्झौता रद्द गर्नु परेको छ । म्यानचेस्टरले उनीसँग एक लाख पाउण्डको सम्झौता गरेको थियो ।



हसरंगाको स्थानमा दक्षिण अफ्रिकन खेलाडी ट्रिस्टन स्टब्सले माैका पाएका छन् ।​ एसएलसीका प्रमुख कार्यकारी एश्ले डे सिल्भाले क्रिकइन्फोसँगको कुराकानीमा भनेका छन्, ‘बोर्डले उनको अनुरोध अस्वीकार गरेको छ किनभने हामी २७ अगस्टबाट सुरु हुने एसिया कप र यस वर्षको अन्त्यमा अष्ट्रेलियामा हुने टी–२० विश्वकपअघि खेलाडी शारीरिक र मानसिक रूपमा तयार रहुन् भन्ने चाहन्छौं ।’

यसअघि ओरिजिनल्सले यसअघि हसरंगाले लंका प्रिमियर लिगमा व्यस्त हुनाले द हन्ड्रेड गुमाउने अपेक्षा गरेको थियो । तर, लंका प्रिमियर लागि अनिश्चितकालका लागि स्थगित भइसकेको छ ।



अब यदि ओजिनल्सले  हसरंगासँग सम्झौता गर्न चाहने हो भने उनीहरूसँग आगामी २०२३ को सिजनका लागि उनलाई राख्ने विकल्प हुनेछ । 



  • प्रकाशित मिति : साउन २०, २०७९ शुक्रबार १२:४८:४१,   अन्तिम अपडेट : साउन २०, २०७९ शुक्रबार १३:२५:१९

फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, टिकटक, युट्युबमा पनि जोडिन सक्नुहुन्छ ।


यस विषयसँग सम्बन्धित समाचार

यो सामग्री सेयर गर्नुहोस्


यो पनि नछुटाउनुहोस्
रञ्जित तामाङ
 |  १९ साउन, २०७९
मल्टिमिडिया