जम्मु र कश्मीरमा भएको  आक्रमणमा भारतीय सुरक्षाकर्मीको मृत्यु भएको छ । विद्रोहीको हमलामा सुरक्षाकर्मीको मृत्यु भएको भारतीय सञ्चार माध्यमले जनाएका छन् ।
 जम्मु र कश्मीरको रजौरीमा विद्रोहीको हमलामा तीन सैनिकको मृत्यु भएको जनाइएको छ । 

उक्त हमलामा दुई सैनिक घाइते भएका छन् । विद्रोहीतर्फ भएको क्षतिबारे केही खुलाइएको छैन ।

घटनास्थलमा थप सुरक्षा फौज परिचालन गरिएको प्राप्त विवरणमा जनाइएको छ । भारत प्रशासित काश्मीरमा विखण्डनकारी समूह र सुरक्षा फौजबीच बारम्बार झडप हुने गरेका छन् ।