काठमाडौंबाट फोहोर बोकेर बन्चरेडाँडा गएका गाडीहरू पुनः रोकिएका छन् । फोहोर बोकेको गाडीले एउटा बाख्रा किचेर मारेपछि स्थानीयले बाटो अवरोध गरेको काठमाडौं महानगरपालिकाका सूचना अधिकारी वसन्त आर्चायले जानकारी दिए । 

आचार्यका अनुसार आज बिहान फोहोर बोकेर गाएको गाडीहरू पुनः रोकिएका हुन् । तारकेश्वर नगरपालिका तिनपिपले भन्ने ठाउँमा फोहोरको गाडीले बाख्रा मारेको भन्दै अवरोध भएको आचार्यले बताए । 

यसअघि महानगरपालिकाका मेयर बालेन्द्र शाहले कुनै अवरोध नभए आजदेखि दैनिक २५० देखि ३५० फोहोरका गाडी बन्चरेडाँडामा पुग्ने बताएका थिए ।

स्थानीय र महानगरपालिकाबीच समस्या समाधानका लागि छलफल भइरहेको सूचना अधिकारी आचार्यको भनाइ छ ।