च्याम्पियन्स लिगमा साबिक विजेता रियल मड्रिडले विजयी सुरुवात गरेको छ । उसले गएराति समूह चरणअन्तर्गतको खेलमा स्कटल्याण्डको सेल्टिकलाई हराउँदै विजयी सुरुवात गरेको हो ।

समूह ‘एफ’ अन्तर्गतको खेलमा स्पेनको रियलले घरेलु टोलीलाई ३–० ले स्तब्ध पार्‍यो । सेल्टिक पार्कमा खेलको ५६ औं मिनेटमा भिनीसीयस जुनियरको गोलमार्फत रियलले अग्रता लिएको थियो । ६० औं मिनेटमा लुका मोड्रिचले पाहुना टोलीको अग्रता दोब्बर बनाए ।

७७ औं मिनेटमा इडेन हाजार्डले गोल गरेपछि रियलले ३–० को सहज जित निकाल्यो । यो जितसँगै रियलले ३ अंक जोड्दा सेल्टिकले भने हारबाट प्रतियोगिताको सुरुवात गरेको छ ।

यहि समूहको अर्को खेलमा युक्रेनको शाख्तर डोनेट्स्कले जर्मन क्लब आरबी लाइप्जिगविरुद्व ४–१ को सहज जित निकाल्यो ।