Thu, 21 Feb, 2019


हटलाइन नम्बर १०० मा फोन गरी गलत सूचना दिनेलाई महानगरीय प्रहरीले पक्रियो
फरकधार / माघ १६, २०७५

काठमाडौं– आपराधिक घटना तथा दुर्घटना भएमा छिटो सूचना प्रवाह गर्न प्रहरी नियन्त्रण कक्षमा राखिएको हटलाइन नम्बर १०० मा फोन गरी झुठा सूचना दिने दुईजनालाई प्रहरीले पक्राउ गरेको छ । 

गलत सूचना दिँदै प्रहरीलाई हैरान पार्ने सिन्धुली कमलामाई नगरपालिका घर भई हाल गोकर्णेश्वर बस्दै आएका ३५ वर्षीय राजु लामा र धनकुटा हिले घर भई गोकर्णेश्वर नगरपालिका–४ बस्दै आएका २२ वर्षीया सरिता बस्नेतलाई पक्राउ गरिएको महानगरीय अपराध अनुसन्धान महाशाखाले जनाएको छ । 

महाशाखाका अनुसार मदिरा पिएर उपत्यकाका विभिन्न स्थानमा घटना घटेको छ भन्दै फोन गरेर गलत सूचना दिएको र उक्त कार्य नगर्न अनुरोध गर्दा प्रहरीलाई नै अश्लिल शब्द प्रयोग गरी हैरानी दिएपछि उनीहरुलाई पक्राउ गरिएको हो । 



यो पनि नछुटाउनुहोस्