एएफसी यू–१७ एसियन कप छनोटको दोस्रो खेलमा नेपालले आज आयोजक भियतनामको सामना गर्दैछ । नेपाल र भियतनामबीचको खेल साँझ ५ः४५ बजे सुरु हुनेछ । खेल फु थोस्थित भियत त्रि स्टेडियममा हुनेछ ।

प्रतियोगितामा नेपाल पहिलो जितको खोजीमा छ । पहिलो खेलमा नेपाल थाइल्याण्डसँग ३–० गोल अन्तरले पराजित भएको थियो । भियतनाम भने लगातार दोस्रो जितको योजनामा हुनेछ । 

पहिलो खेलमा उसले चाइनिज ताइपेलाई ४–० ले हराएको थियो । समूह ‘एफ’ मा रहेको नेपाल अंकविहीन तेस्रो स्थानमा रहेको छ । भियतनाम ३ अंक जोडेर शीर्ष र थाइल्याण्ड दोस्रो स्थानमा रहेको छ ।