सिट बाँडफाँटको विषयमा सहमति जुटाउन सत्ता गठबन्धनको बैठक सुरु भएको छ । प्रधानमन्त्री निवास बालुवाटारमा बसिरहेको बैठकमा उपेन्द्र यादव नेतृत्वको जनता समाजवादी पार्टी (जसपा) भने सहभागी छैन । 

यादव बिहीबारको बैठकमा पनि केही समय मात्र उपस्थित भएर बाहिरिएका थिए । पछिल्लो समय सत्ता गठबन्धनसँग असन्तुष्ट रहेका उनले एमाले नेताहरूसँग छलफल गरिरहेका छन् । 

यद्यपि एमालेसँग पनि जसपाले औपचारिक सहमति गरिसकेको छैन । जसपाले सत्ता गठबन्धनले गर्ने प्रस्तावका आधारमा आगामी निर्णय गर्ने बताएको छ ।