इटालियन सिरी ‘ए’ अन्तर्गत गएरातिको खेलमा एसी मिलान घरेलु टोली टोरिनोसँग २–१ ले पराजित भएको छ । ओलम्पिको डि टोरिनो स्टेडियममा खेलको ३५ औं मिनेटमा कोफी डिजिडिजीले टोरिनोलाई अग्रता  दिलाएका थिए ।  

३७ औं मिनेटानमा अलेक्सेइ मिरान्चुकले टोलीको अग्रता दोब्बर बनाए । ६७ औं मिनेटमा जुनियर मेसियसले गोल गर्दै मिलानलाई खेलमा फर्काउने प्रयास गरे पनि त्यो प्रर्याप्त नबन्दा टोरिनोले २–१ को रोमाञ्चक जित निकाल्यो ।

यो जितसँगै १२ खेलमा १७ अंकका साथ टोरिनो नवौं स्थानमा उक्लिँदा पराजित मिलान समान खेलबाट २६ अंकका साथ तेस्रो स्थानमा कायम छ ।

लिगअन्तर्गतकै अन्य खेलमा सालेर्निटाना, फोरेन्टिना र एटलान्टाले जित हात पार्दा उडिनेसले क्रेमोनेससँग बराबरी खेलेको छ ।